मुंबई \ ऑनलाईन टीम
पीएम केअरच्या माध्यमातून मिळालेल्या निकामी व्हेंटिलेटर प्रकरणाची सखोल चौकशी व्हावी अशी मागणी राष्ट्रवादी काँग्रेसचे प्रदेशाध्यक्ष आणि जलसंपदा मंत्री जयंत पाटील यांनी सोशल मीडियाच्या माध्यमातून केली आहे.
पीएम केअरच्या माध्यमातून मराठवाड्याला मिळालेल्या १५० व्हेंटिलेटरपैकी ११३ व्हेंटिलेटर निकामी निघाल्याची बातमी ऐकली. यामुळे केंद्रीय आरोग्य विभागाच्या ढिसाळ कारभारावर प्रश्न उपस्थित झाला आहे. याची सखोल चौकशी व्हायला हवी. या मागचा सुत्रधार कोण ? कोण गैरफायदा घेत आहे ? याचा छडा लागायला हवा, असेही जयंत पाटील म्हणाले. त्यांनी ट्विटरच्या माध्यमातून यावर प्रतिक्रिया दिली.
मुंबई हायकोर्टाच्या औरंगाबाद खंडपीठाने बुधवारी पीएम केअर माध्यमातून मराठवाड्याला मिळालेल्या खराब व्हेंटिलेटरबाबत केंद्र सरकारच्या वकिलाला पुरवठादारावर कारवाई करवाई करुन माहिती देण्याचे आदेश दिले आहेत. न्यायालयाने घेतलेल्या माहितीनुसार असे प्राप्त झाले आहे की, पीएम केअर फंडच्या माध्यमातून मिळालेले ११३ व्हेंटिलेटर हे खासगी आणि शासकीय रुग्णालायत वापरण्यात आले तेव्हा निकामी असल्याचे आढळले आहे. तर ३७ व्हेंटिलेटर हे अजूनही वापरण्यात आले नसल्यामुळे त्यांची स्थिती कळाली नाही आहे.