वृत्तसंस्था / इस्लामाबाद
पाक क्रिकेट मंडळाने (पीसीबीने) पहिल्यांदाच महिला संचालकाची नियुक्ती केली आहे. पीसीबीच्या नव्या चार संचालकांमध्ये आलीया जाफर या महिलेचा समावेश करण्यात आला आहे.
पीसीबीच्या नव्या घटनेनुसार नियुक्त करण्यात आलेल्या चार संचालकांमध्ये एका महिलेचा समावेश असावा अशी तरतूद करण्यात आली होती. त्यानुसार पीसीबीच्या आता नव्या चार संचालकांमध्ये अर्थ कार्यकारी जावेद कुरेशी, असीम वाजीद जावेद तसेच अरीफ सईद यांचा समावेश आहे. या संचालकामध्ये आलीया जाफर ही एकमेव महिलेची नियुक्ती करण्यात आली आहे. या सर्व संचालकांची नियुक्ती दोन वर्षांच्या कालावधीसाठी करण्यात आली आहे. आलीया जाफर या मानव विकास विभागात कार्यकारी पदावर कार्यरत होत्या.