ऑनलाईन टीम / श्रीनगर :
जम्मू-काश्मीरच्या पुंछ जिल्ह्यात सुरक्षा दल आणि दहशतवाद्यांमध्ये चकमक सुरू आहे. या चकमकीत जेसीओ (ज्युनिअर कमिशन्ड ऑफिसर) आणि 5 जवान शहीद झाले आहेत.
लष्करी प्रवक्ते लेफ्टनंट कर्नल देवेंद्र आनंद यांनी सांगितले की, गुप्तचर यंत्रणेकडून मिळालेल्या माहितीच्या आधारे भारतीय लष्कराने सोमवारी सकाळी पुंछमधील सुरनकोट भागात शोध मोहीम सुरू केली होती. दरम्यान, चकमक सुरू झाली. या चकमकीत भारतीय लष्कराचा एक जेसीओ आणि चार जवान गंभीर जखमी झाले होते. त्यांना तात्काळ रुग्णालयात दाखल करण्यात आले. मात्र, या जवानांना वीरमरण आले.
दरम्यान, काश्मीर विभागात अनंतनाग आणि बंदीपोरामध्ये दोन दहशतवाद्यांचा खात्मा करण्यात सुरक्षा दलाला यश आले आहे.