प्रतिनिधी / कोल्हापूर
गत आठवड्यापेक्षा या आठवड्यात हापूस आंब्याची आवक कमी होऊन, मागणीही वाढली आहे. या मागणीमुळे हापूस आंब्याच्या दरात डझनमागे 50 ते 100 रूपयांनी दर वाढून आहे. पुढील आठवडयात दुसऱया तोडणीचा आंबा बाजारात येणार असल्याने हा दर कमी होणार आहे असे आंबा व्यापाऱ्याकडून सांगण्यात आले.
मार्च महीन्यापासून बाजारात हापूस आंब्याची आवक सुरू झाली आहे. एक व सव्वा डझनचा बॉक्स 600 ते 800 रूपये असा होता. यानंतर आवक वाढल्याने हा दर उतरू लागला. प्रतवारीनुसार 200 ते 600 रूपये डझन असा होता. पहील्या तोडणीचा आंबा संपत आल्याने तसेच दुसऱया तोडणीचा आंबा पुढील आठवडयापासून बाजारात येणार आहे. ग्रांहकाकडून आंब्याची मागणी जास्त व पुरवठा कमी असल्याने हा दर वाढला आहे.
शनिवारी मार्केट यार्डच्या फळ मार्केटममध्ये 25 पेटी व 4800 बॉक्स आंब्याची आवक झाली आहे.सरासरी पेटीचा दर 2000 तर बॉक्सचा दर 450 रूपये असा होता. पुढील आठवडयानंतर आंब्याची आवक वाढणार असल्याने हा दर पूर्ववत कमी होणार असल्याचे सांगण्यात आले.
पुढील आठवडयानंतर आंबा दर उतरणार -प्रसाद वळंजू,आंबा व्यापारी
ग्राहकांची वाढती मागणी व पुरवठा कमी असल्याने तसेच पुणे,मुंबई येथे आंब्याला चांगला दर मिळत असल्याने कोल्हापूर मार्केटमध्ये आंब्याची आवक घटली आहे. यामुळे आंब्याची दरात डझनामागे 50 ते 100 रूपयांनी वाढ झाली आहे.