उचगाव / वार्ताहर
पुणे बेंगळूर महामार्गावर पंचगंगा पुलावर झालेल्या विचित्र अपघातात सहा वाहनांचे किरकोळ नुकसान झाले. सुदैवाने कोणतीही जिवित हानी झाली नाही. एखाद्या फिल्मीसीन प्रमाणे सहा वाहने महामार्गावर एकमेकांवर आदळले. कारला मोठ्या ट्रक कंटेनरने धडक दिली. यावेळी कार महामार्गाच्या मधोमध आली. त्यापाठोपाठ टेम्पों, बोलेरो अशी सहा वाहने एकमेकापाठोपाठ एकमेकांवर आदळली. वाहनांचे किरकोळ नुकसान झाले.
ही घटना दुपारी दिडच्या सुमारास घडली. सुमारे अर्धा तास महामार्गाची वाहतूक खोळबंली. शिरोली फाट्यापर्यंत लांबलचक वाहनांच्या रांगा लागल्या होत्या. कोल्हापूर कमानीपासून मार्केट यार्डपर्यंत रांगा लागल्या होत्या. घटनास्थळी गांधीनगर पोलिस तात्काळ पोहचले. महामार्गावरील अपघातग्रस्त वाहने पोलिसांनी बाजूला घेवून वाहतूक सुरळित केली. याबाबत गांधीनगर पोलिसांत रात्री उशिरापर्यंत तक्रार दाखल झालेली नव्हती.