ऑनलाईन टीम / मॉस्को :
रशियाचे राष्ट्राध्यक्ष व्लादिमीर पुतिन पार्किंसन्स आजाराने ग्रासले आहेत. त्यामुळे जानेवारीमध्ये ते राष्ट्राध्यक्षपद सोडण्याची शक्यता वर्तवण्यात आली आहे. मॉस्कोचे राजकीय शास्त्रज्ञ वलेरी सोलोवी यांच्या हवाल्याने एका वृत्तसंस्थेने यासंदर्भात वृत्त दिले आहे.
सोलोवी यांनी वृत्तसंस्थेला दिलेल्या माहितीनुसार, पुतिन यांचे एक कुटुंब आहे, त्यांच्यावर त्यांचा खूप प्रभाव आहे. पुतिन यांची गर्लफ्रेंड अलिना कबाईला आणि दोन मुलींनीही त्यांना राष्ट्राध्यक्षपद सोडण्याचे आवाहन केले आहे. ते जानेवारीत राष्ट्राध्यक्षपद सोडू शकतात. पुतिन यांच्या सध्याच्या छायाचित्रांवरून त्यांच्यामध्ये आजाराची लक्षणे दिसून येतात. ते सध्या वेदनेने पीडित आहेत.
दरम्यान, पुतिन यांनी काही दिवसांपूर्वी जिवंत असेपर्यंत कायदेशीर कारवाईपासून सूट मिळावी यासाठी विधेयक सादर केले होते. हे विधेयक सत्तेच्या हस्तांतराचे संकेत असल्याचे सांगण्यात येते. लवकरच नवीन राष्ट्राध्यक्ष नियुक्त करून त्यांना पुतिन यांच्या हाताखाली संरक्षित केले जाईल, असेही सोलोवी यांनी म्हटले आहे.