ऑनलाईन टीम/तरुण भारत
पेट्रोल आणि डिझेलच्या दरात आज पुन्हा एकदा वाढ झाली आहे. देशात दहा दिवसात ९ वेळा इंधन दरात वाढ झाली आहे. पेट्रोल आणि डिझेलच्या दरात प्रतिलीटर ८० पैशांची वाढ झाली आहे. देशात पाच राज्यांच्या निवडणूक लागल्यापासून इंधन दरात वाढ झालेली नव्हती. नोव्हेंबरनंतर २२ मार्च पासून इंधन दरात वाढ होण्यास सुरुवात झाली आहे.
दरम्यान, देशात गेल्या १० दिवसांत नवव्यांदा इंधनाचे दर वाढले आहेत. यामुळे फक्त गेल्या १० दिवसांत पेट्रोल आणि डिझेल तब्बल ६ रुपये ४० पैशांनी महागलं आहे.
देशात इंधनाचे दर वाढले असल्याने दिल्लीत पेट्रोलचा दर प्रतिलीटर १०१ रुपये ८१ पैसे झाला आहे. याआधी हा दर १०१ रुपये १ पैसे होता. तर दुसरीकडे डिझेलचा दर प्रतिलीटर ९२ रुपये ७ पैशांवर पोहोचला आहे. याआधी हा दर ९३ रुपये ७ पैसे होता.