33 उपअधीक्षक, 48 निरीक्षकांचा समावेश : आणखी बदल्यांची शक्यता
प्रतिनिधी / बेळगाव
राज्यातील 33 पोलीस उपअधीक्षक व 48 पोलीस निरीक्षकांच्या बदल्या करण्यात आल्या आहेत. बुधवारी रात्री गृहखात्याने बदल्यांचा हा आदेश जारी केला आहे. बेळगाव शहर व जिल्हय़ातील काही अधिकाऱयांचा यामध्ये समावेश आहे.
बेळगाव ग्रामीणचे पोलीस उपअधीक्षक के. शिवारेड्डी यांची गुप्तचर विभागात बदली करण्यात आली असून त्यांच्या जागेवर सध्या एसीबीमध्ये असलेले गणपती गुडाजी यांची नियुक्ती करण्यात आली आहे. धारवाड ग्रामीणचे पोलीस उपअधीक्षक रवी डी. नायक यांची शिर्शा येथे बदली करण्यात आली आहे.
गोकाकच्या पोलीस उपअधीक्षकपदी जावीद इनामदार यांची नियुक्ती करण्यात आली आहे. पोलीस निरीक्षक आनंद कब्बुरी यांची बदली दावणगेरी येथील डीसीआरबी विभागात करण्यात आली आहे. लवकरच बदल्यांची आणखी यादी येण्याची शक्मयता आहे.