प्रतिनिधी /काणकोण
भगतवाडा-काणकोण येथील संदेश भगत यांचे 20 रोजी अपघाती निधन झाले. त्याच दिवशी भगतवाडा येथे त्यांच्या वर अंतिम संस्कार करण्यात आले. नगरसे पुलाजवळ रविवारी 19 रोजी रात्री झालेल्या अपघातात गंभीर जखमी झाले होते. त्यांना गोमेकॉत दाखल करण्यात आले होते. तेथे उपचार सुरू असतानच त्यांनी अखेरचा श्वास घेतला.
मयत संदेश भगत हे पोलीस खात्यात हेड कॉन्स्टेबल म्हणून कार्यरत होते. त्यांच्या पश्चात पत्नी, मुले, भाऊ असा परिवार आहे. दरम्यान, गुळे येथे झालेल्या अपघाताच्या वेळी रात्री च्या वेळी गस्त ठेवण्याची सूचना आपण पालिका मंडळाच्या बैठकीत केली होती. त्याची अंमलबजावणी झाली असती तर नगरसेचा अपघात टळला असता असे मत नगरसेवक धीरज गावकर यांनी व्यक्त केले आहे.