प्रतिनिधी/ बेळगाव
बेळगाव मुख्य पोस्ट कार्यालयातील 4 कर्मचारी निवृत्त झाल्याबद्दल त्यांचा अधिकाऱयांच्या हस्ते सत्कार करण्यात आला. साहाय्यक पोस्ट मास्तर पी. एस. कलपत्री, ए. आर. काळे, के. एस. काळे व नझरे यांचा निवृत्तीनिमित्त सत्कार गुरुवारी रात्री मुख्य पोस्ट कार्यालयाच्या सभागृहात पार पडला.
पोस्ट मास्टर के. एम. केरीमठ, साहाय्यक अधीक्षक एम. के. कोत्तल व साहाय्यक अधीक्षक आर. के. उबरानी यांच्या हस्ते सत्कार करण्यात आला. प्रारंभी स्वागतगीत म्हणण्यात आले. यानंतर पोस्ट कर्मचाऱयांच्या कार्याचा आढावा घेण्यात आला. त्यानंतर सहकुटुंब त्यांचा सत्कार करण्यात आला. कार्यक्रमाचे सूत्रसंचालन कृष्णा तळवार यांनी केले.