ऑनलाईन टीम / नवी दिल्ली :
पंजाबच्या फिरोजपूरमधील पंतप्रधान नरेंद्र मोदी यांच्या सुरक्षा त्रुटी संदर्भात सर्वोच्च न्यायालयाने माजी न्या. इंदू मल्होत्रा यांच्या अध्यक्षतेखाली पाच सदस्यीय समिती स्थापन केली आहे. मात्र, या प्रकरणाचा तपास करणाऱ्या इंदू मल्होत्रा यांना शीख फॉर जस्टिस संघटनेकडून धमकीचा फोन आला आहे. मल्होत्रा यांना या प्रकरणाचा तपास करु देणार नाही. प्रजासत्ताक दिनी मोदींचा रस्ता पुन्हा अडवणार आहे, असे सांगत या समितीतील वकिलांनाही धमकवण्यात आले आहे.
मोदी सुरक्षेतील त्रुटींसंदर्भात माजी न्यायमूर्ती इंदू मल्होत्रा यांना चौकशी करु देणार नाही. तसेच 26 जानेवारीला प्रजासत्ताक दिनी पंतप्रधान मोदींचा रस्ता पुन्हा अडवणार आहे. त्यांना राजपथावर जाऊ देणार नाही, अशी धमकी शीख फार जस्टीसने दिली आहे. तसेच या समितीतील वकीलांनाही धमकावण्यात आल्याचे सांगण्यात येते.