वृत्तसंस्था/ कोलकाता
इंग्लीश प्रिमियर लीग फुटबॉल स्पर्धेतील बलाढय़ संघ म्हणून ओळखल्या जाणाऱया चेल्सी फुटबॉल क्लबचे माजी गोलरक्षक प्रशिक्षक लिसेली क्लिव्हेली आता इस्ट बंगाल एससी संघामध्ये दाखल झाले आहेत.
आगामी फुटबॉल हंगामासाठी क्लिव्हेली यांचे इस्ट बंगाल संघाला मार्गदर्शन लाभणार आहे. इस्ट बंगाल संघाचे डायझ हे प्रमुख प्रशिक्षक आहेत. 2021-22 च्या इंडियन सुपर लीग फुटबॉल हंगामाला 21 नोव्हेंबरपासून प्रारंभ होत आहे. इस्ट बंगालचा सलामीचा सामना जमशेदपूर एफसी संघाबरोबर 21 नोव्हेंबरला गोव्यातील टिळक मैदानावर होणार आहे.