मराठीतील पहिल्यावहिल्या ओटीटीचा मान पटकावणारे ‘प्लॅनेट मराठी’ दिलेल्या वचनानुसार प्रेक्षकांसाठी नवनवीन वेबसिरीज, वेबफिल्म, चित्रपट भेटीला घेऊन येत आहे. त्यातच आता अजून एका चित्रपटाची भर पडली आहे. लेखक, दिग्दर्शक निर्माता निखिल महाजन यांच्या वाढदिवसाचे औचित्य साधत ‘रावसाहेब’ या आगामी चित्रपटाचे टिझर पोस्टर नुकतेच सोशल मीडियावर झळकले आहे. अक्षय विलास बर्दापूरकर व प्लॅनेट मराठी एस. एस. प्रायव्हेट लिमिटेड प्रस्तुत ‘रावसाहेब’ या चित्रपटाचे दिग्दर्शन निखिल महाजन यांनी केले असून हा चित्रपट 2022 मध्ये प्रेक्षकांच्या भेटीला येणार आहे. या चित्रपटाचे लेखन प्राजक्त देशमुख, श्रीपाद देशपांडे, आणि निखिल महाजन यांनी केले आहे. चित्रपटाचे पोस्टर पाहता हा चित्रपट वन्यजीवनावर आधारित असल्याचे दिसतेय. या चित्रपटाची निर्मिती अक्षय विलास बर्दापूरकर, नेहा पेंडसे बायस, जितेंद्र जोशी व महाजन यांनी केली आहे.
Previous Articleनिम्न शिक्षकांना दरमहा 25 हजार वेतन
Next Article ऑलिम्पिकमध्ये भारताचे दुसरे पदक निश्चित
Tarun Bharat Portal
Parasharam Patil is a versatile content writer, scriptwriter, and content producer at Tarun Bharat Media. Specializes in editorial news, local news entertainment, and political content. His captivating storytelling and deep industry knowledge make him an expert in crafting engaging narratives.