बेंगळूर/ वृत्तसंस्था
अव्वल स्तरावरील माजी खेळाडू फजल खलील हे कर्नाटक राज्य क्रिकेट संघटनेच्या निवड समितीचे नवे अध्यक्ष असतील, अशी घोषणा शनिवारी केली गेली. कर्नाटक राज्य क्रिकेट संघटनेच्या कार्यकारिणीची कोव्हिड-19 संक्रमणानंतर पहिलीच बैठक झाली व त्यात त्यांनी हा निर्णय घेतला. केएससीए प्रवक्ते विनय मृत्यूंजय यांनी पत्रकाद्वारे ही माहिती दिली. आणखी एक अव्वल खेळाडू येरे गौड हे संघाचे प्रशिक्षक असतील, असेही पत्रकात नमूद आहे.