तामिळनाडूतील घटना, तीन गंभीर जखमी
वृत्तसंस्था/ चेन्नई
तामिळनाडूमधील कुडलोर जिल्हय़ात एका फटाक्याच्या कारखान्यात स्फोट होऊन 7 जण ठार तर तीनजण जखमी झाले आहेत. त्यांना रुग्णालयामध्ये दाखल केले असले तरी त्यांची प्रकृती गंभीर असल्याचे जिल्हा प्रशासनाच्यावतीने सांगण्यात आले. मृतांची संख्या वाढू शकते.
कुडलोरचे पोलीस अधीक्षक एम. अभिनव यांनी दिलेल्या माहितीनुसार चेन्नईपासून 190 किलोमीटरवरील कुडलोर जिल्हय़ात ही दुर्घटना घडली आहे. या स्फोटामध्ये फटाका कारखान्याच्या मालकासह 7 जण ठार झाले आहेत. तथापि गंभीर जखमींची संख्या अधिक असून यातील तीनजण जखमी आहेत. यामुळे मृतांच्या संख्येत वाढ होण्याचीही भीतीही त्यांनी व्यक्त केली आहे. घटनास्थळी पोलिसांसह अग्नीशमन दलाचे जवानही दाखल झाले असून मदत कार्य सुरु करण्यात आले आहे. फटाके तयार करण्यासाठी मान्यताप्राप्त रसायने वापरली आहेत काय यांचाही शोध घेणार असल्याचे त्यांनी सांगितले.