प्रतिनिधी / फलटण :
फलटण ग्रामीण पोलिसांनी केलेल्या गुटखा विरोधी कारवाईत तंबाखूजन्य माल व गुटखा जप्त करत 11 जणांवर गुन्हा दाखल करण्यात आला आहे.
फलटण ग्रामीण पोलीस ठाण्याचे निरीक्षक धन्यकुमार गोडसे यांनी ग्रामीण पोलीस कर्मचारी यांना ग्रामीण पोलीस ठाण्याच्या हद्दीतील काही गावात तंबाखूजन्य माल व गुटका विक्री होत असलेल्या ठिकाणी कारवाई करण्याचे आदेश देऊन 11 ठिकाणी छापे टाकत कारवाई केली. त्यामध्ये साखरवाडी येथे पोपट तुकाराम ठोंबरे, संजय यशवंत देवकर व महेश दत्तात्रय रोकडे या तिघांवर, निंभोरे येथे मुकुंदा विष्णू कांबळे, मिरगाव येथे हनुमंत किराणा दुकानात दादासो ज्ञानदेव खताळ यांच्यावर तर आसू येथे फिरोज मजीर महाल, मनोहर दत्तात्रय पवार व विजय ज्ञानदेव निंबाळकर, ढवळेवाडीत शैलेंद्र एकनाथ नलवडे आणि दिनेश बुवा माने तसेच सस्तेवाडी येथे रघुनाथ मार्तंड पायगुडे यांच्याकडे तंबाखूजन्य माल व गुटखा आढळून आल्याने त्यांच्यावर ग्रामीण पोलीस ठाण्यात गुन्हा दाखल करण्यात आला असल्याची माहिती पोलीस निरीक्षक धान्यकुमार गोडसे यांनी दिली.