पुणे : एएफसी महिलांच्या आशिया चषक फुटबॉल स्पर्धेत गुरूवारी येथे झालेल्या उपांत्य फेरीच्या सामन्यात कोरियाने दर्जेदार खेळाच्या जोरावर फिलिपाईन्सचा 2-0 असा पराभव करत पहिल्यांदाच अंतिम फेरीत प्रवेश मिळविला.
शिवछत्रपती क्रीडा संकुलातील स्टेडियममध्ये गुरूवारी झालेल्या या पहिल्या उपांत्य सामन्यात कोरियातर्फे चो सो हेयुन आणि सन हेवा येवून यांनी पूर्वार्धात प्रत्येकी एक गोल नोंदविला. या स्पर्धेत जपान आणि माजी विजेत्या चीनबरोबर होणाऱया दुसऱया उपांत्य सामन्यातील विजयी संघाबरोबर कोरियाचा रविवारी अंतिम सामना खेळविला जाईल. 2023 साली ऑस्ट्रेलिया आणि न्यूझीलंड यांच्या संयुक्त यजमानपदाने होणाऱया फिफाच्या महिला विश्वकरंडक फुटबॉल स्पर्धेत फिलिपाईन्सने पहिल्यांदाच आपली पात्रता सिद्ध केली आहे.