प्रतिनिधी /बेळगाव
फोर्ट रोड जुन्या भाजी मार्केट येथे सोमवारी सकाळी झाडाची फांदी कोसळली. ही फांदी थेट सिग्नलवर कोसळल्याने सिग्नलचे नुकसान झाले आहे. सुदैवाने ही फांदी रहदारीच्यावेळी कोसळली नाही. अन्यथा मोठी दुर्घटना घडली असती. जुन्या भाजी मार्केट परिसरात अनेक जुनाट झाडे आहेत. या झाडांच्या फांद्या नेहमी कोसळत असतात. या मार्गावरून दररोज शेकडो वाहनचालक ये-जा करत असतात. सोमवारी एका झाडाची फांदी कोसळली. ही फांदी सिग्नलवर कोसळल्याने सिग्नलचा एक भाग मोडला. त्यामुळे धोकादायक झाडांच्या फांद्या तोडण्याची मागणी होत आहे.