पॅरिस
फ्रान्सचे राष्ट्राध्यक्ष इमॅन्युएल मॅक्रो यांनाही कोरोना विषाणूचा संसर्ग झाला आहे. प्राथमिक लक्षणे दिसून आल्यानंतर चाचणी करून घेतली असता त्यांचा अहवाल पॉझिटिव्ह आल्याची माहिती राष्ट्राध्यक्ष कार्यालयाने जारी केलेल्या निवेदनात स्पष्ट करण्यात आली आहे. अहवाल पॉझिटिव्ह आल्यामुळे राष्ट्राध्यक्ष मॅक्रो हे पुढील सात दिवस सर्वांपासून वेगळे राहतील. त्यांनी स्वत:ला आयसोलेट करून घेतले आहे. आयसोलेशनमध्ये असले तरीही आपल्या कामावर त्यांची नजर असणार आहे. फ्रान्सच्या राष्ट्राध्यक्षांपूर्वी अमेरिकेचे तत्कालीन राष्ट्राध्यक्ष डोनाल्ड ट्रम्प, ब्रिटनचे पंतप्रधान बोरिस जॉन्सन आणि ब्राझीलचे राष्ट्राध्यक्ष जाएर बोल्सनारो यांनाही कोरोना विषाणूचा संसर्ग झाला होता.