नवी दिल्ली
ऑटोमोबाईल क्षेत्रातील कंपनी बजाज ऑटो इलेक्ट्रिक दुचाकीसाठी पुण्यातील आकुर्डी येथे नवा कारखाना सुरू करणार असल्याचे समजते. यायोगे येणाऱया काळात इलेक्ट्रिक दुचाकींच्या निर्मितीवर कंपनी भर देणार असल्याचे सांगण्यात येते.
आकुर्डीत आपला नवा कारखाना स्थापित करून तेथे दुचाकी, तिचाकी वाहनांची निर्मिती केली जाणार आहे. हा नवा कारखाना कंपनीचा चौथा असणार आहे. यापूर्वी चाकण प्रकल्पातून क्रिस्टल ही स्कूटर निर्मिती होऊन बाहेर पडली होती. नव्या कारखान्यासाठी आवश्यक असलेल्या बाबींवर कंपनी विचार करते आहे. बजाजच्या ताफ्यात सध्या एकच ‘चेतक’ ही इलेक्ट्रिक दुचाकी आहे. हस्कवर्णा ब्रँडअंतर्गत इलेक्ट्रिक मॉडेल विकसित करण्याच्या कार्यात कंपनी गुंतली असून स्वतःचीही गाडी विकसित करण्याप्रती कंपनी कटिबद्ध आहे.