इतिहासकाळात गाजलेल्या एका योद्धय़ाचा पुतळा बनविण्यासाठी आणि त्याची स्थापना करण्यासाठी चीनमध्ये 200 कोटी रुपये खर्च करण्यात आले आहेत. 78 फूट उंचीचा हा पुतळा असून त्याची स्थापना करण्यासाठी बऱयाच प्रयत्नांती प्रशासनाची संमती मिळाली होती. हा पुतळा आणि त्याची स्थापना करण्यात आलेला चबुतरा यांची मिळून उंची 190 फूट होती. मूर्तीची स्थापना झाल्यानंतर ती दुसरीकडे हलवावी, असा सरकारी आदेश निघाला. त्यामुळे पुतळा त्याच्या मूळ जागेपासून हटविण्यासाठी आणखी 150 कोटी रुपये खर्च करावे लागले. या सर्व प्रकारात फार मोठा भ्रष्टाचार झाल्याचा आरोप होत आहे. एवढा महाग पुतळा स्थापन केल्यानंतर त्याला हटविण्याचा आदेश निघणे ही जगातील एकमेव घटना असल्याचे बोलले जात आहे.
ज्या ठिकाणी हा पुतळा बसविण्यात आला, तेथे 78 फुटापेक्षा अधिक उंचीचे पुतळे किंवा इमारती उभारण्यास मनाई होती. पुतळा स्थापन करताना ही बाब लक्षात घेतली गेली नाही. त्यामुळे तो हटविण्याची वेळ आली. या ठिकाणी असा पुतळा उभा करण्यास मुळात अनुमती कशी देण्यात आली? हा प्रश्न आता विचारला जात असून चीनच्या सरकारने चौकशी करण्याचा आदेश दिला आहे. हा पुतळा आता मूळ जागेपासून आठ किलोमीटर अंतरावर पुन्हा स्थापन करण्यात येणार आहे.