प्रतिनिधी/ बेळगाव
बाची (ता. बेळगाव) येथे गांजा विकणाऱया एका तरुणाला बुधवारी अटक करण्यात आली आहे. सीईएन विभागाचे पोलीस निरीक्षक श्रीशैल गाबी व त्यांच्या सहकाऱयांनी ही कारवाई केली आहे. त्याच्या जवळून 1 किलो 400 ग्रॅम गांजा जप्त करण्यात आला आहे.
गजानन प्रकाश गुंजीकर (वय 24, रा. बाची, ता. बेळगाव) असे त्याचे नाव आहे. 1 किलो 400 ग्रॅम गांजा व एक मोबाईल संच जप्त करण्यात आला असून हा साठा त्याने विक्रीसाठी मागविला होता, अशी माहिती पोलीस अधिकाऱयांनी दिली.
बाची येथे गांजा विक्री केली जात असल्याची माहिती मिळताच पोलीस निरीक्षक श्रीशैल गाबी व त्यांच्या सहकाऱयांनी अचानक छापा टाकून गजाननला अटक केली. निळय़ा कॅरीबॅगमध्ये त्याने गांजा ठेवला होता. तो जप्त करुन पोलिसांनी घटनास्थळाचा पंचनामा केला. त्याच्यावर अंमलीपदार्थ प्रतिबंधक कायद्यांतर्गत एफआयआर दाखल करण्यात आला आहे.