वार्ताहर/ निपाणी
बुदिहाळसह परिसरात गेल्या अनेक वर्षापासून सामाजिक, धार्मिक, शैक्षणिक क्षेत्रात अखंडीत सेवा देणारे बाळासाहेब हरी पाटील यांना आंतरराज्य सामाजिक सेवा गौरव पुरस्कार जाहीर करण्यात आला. यामुळे बुदिहाळच्या शिरपेचात मानाचा तुरा रोवला गेला आहे. बेळगाव येथील नॅशनल रुरल डेव्हलपमेंट फाऊंडेशन व हेल्थ आणि नेचर डेव्हलपमेंट सोसायटीतर्फे प्रत्येकवर्षी कर्नाटक, महाराष्ट्र व गोवा या तीन राज्यातून सामाजिक क्षेत्रात कार्य करणाऱया मान्यवरांचा सन्मान पुरस्कार देऊन केला जातो. बाळासाहेब पाटील यांना जाहीर करण्यात येणाऱया या पुरस्काराचे वितरण मान्यवरांच्या उपस्थितीत 28 मार्च रोजी होणार आहे.