ऑनलाईन टीम / नवी दिल्ली :
अमेरिकेचे राष्ट्राध्यक्ष डोनाल्ड ट्रम्प यांनी भारत दौऱयाच्या पार्श्वभूमीवर बाहुबली चित्रपटाच्या थीमवरील व्हायरल व्हिडीओ रिट्वीट केला आहे. त्यावर प्रतिक्रिया देत त्यांनी भारतातील मित्रांना भेटण्यास मी उत्साही असल्याचे म्हटले आहे.
ट्रम्प यांनी सॉल्मेम्स 1 नावाच्या ट्विटर हँडलसह हा व्हिडिओ रिट्वीट केला आहे. या व्हिडीओमध्ये बाहुबली चित्रपटातील वेगवेगळे सीन आहेत. त्यामध्ये ट्रम्प अमरेंद्र बाहुबलीच्या भूमिकेत दिसत आहेत. माहिष्मती साम्राज्याच्या रक्षणासाठी रणांगणात तलवारी, धनुष्य घेऊन लढताना प्रभासच्या जागी ते आहेत. यामध्ये ट्रम्प यांची पत्नी मेलेनिया आणि मुलगी इव्हांकाला दाखविण्यात आले आहे. तर पुढील दृष्यात पंतप्रधान नरेंद्र मोदी ट्रम्प यांच्या स्वागतासाठी माहिष्मतीच्या प्रजेला मिठाई वाटताना दिसत आहेत. सोशल मीडियावर या व्हिडिओने धुमाकूळ घातला आहे.