ऑनलाईन टीम / मुंबई :
बॉलीवूड अभिनेता अभिषेक बच्चनचा आज वाढदिवस आहे. अभिषेक आपला 45 वा वाढदिवस साजरा करत आहे. अभिषेकच्या वाढदिवसानिमित्त बिग बी अमिताभ बच्चन यांनी लाडक्या लेकाला अनोख्या अंदाजात शुभेच्छा दिल्या आहे.
बिग बी अमिताभ बच्चन यांनी इन्स्टाग्रामवर एक फोटो शेअर केला आहे. या फोटोमध्ये बिग बी अभिषेकचा हात पकडून फिरायला घेऊन जात आहे, हा लहानपणीचा फोटो आहे. तर दुसऱ्या फोटोमध्ये अभिषेक मोठा झाल्यानंतर बिग बी ला हात पकडून घेऊन जात आहे. हा फोटो शेअर करताना बीग बी भावूक झाले आहेत. त्यांनी लिहिले की, ‘कधी मी याला हात पकडून चालायला शिकवले होते, आज हा माझा हात पकडून फिरायला घेऊन जातो’.
वडिल आणि मुलाच्या नात्यावर भाष्य करणारी ही पोस्ट अत्यंत वेगाने व्हायरल झाली आहे. या पोस्टवर अभिषेक बच्चनने प्रतिक्रिया दिली असून “लव्ह यू पा..” असे म्हटले आहे.
याशिवाय अभिषेक बच्चनला त्याची भाची नव्याने देखील शुभेच्छा दिल्या आहेत. आपल्या पोस्टमध्ये अभिषेक तिचा कुटुंबातील सर्वात आवडती व्यक्ती असल्याचे म्हटले आहे. तर अनेक चाहत्यांनी देखील अभिषेकला वाढदिवसाच्या भरभरून शुभेच्छा दिल्या आहेत.