ऑनलाईन टीम / सुपौल :
बिहारमधील सुपौल जिल्ह्यातून एक धक्कादायक प्रकार समोर आला आहे. येथे राहणाऱ्या एका कुटुंबातील 5 जणांनी फासावर लटकून आत्महत्या केल्याची माहिती मिळाली आहे.
पोलिसांनी दिलेल्या माहितीनुसार, ही घटना शुक्रवारी रात्री उशिराने घडली. राघोपुर भागातील गड्डी वार्ड भागात राहणारे पती, पत्नी, दोन मुली आणि एक मुलगा एका खोलीत लटकलेल्या अवस्थेत आढळून आले.
या घटनेची माहिती मिळताच पोलिसांची टीम घटनास्थळी पोहोचली असून पुढील तपास करीत आहे. आत्महत्येचे कारण अजूनही समजलेले नाही आहे.