नवी दिल्ली
लक्झरी कार निर्माती कंपनी बीएमडब्ल्यूने आपली नवी स्पोर्टस् कार बीएमडब्ल्यू 220 आय एम स्पोर्ट्स नुकतीच लॉन्च केली आहे. या गाडीला ट्वीन पॉवर टर्बो पेट्रोल इंजिनची जोडणी असल्याने चालवण्यास ही गाडी आरामदायी ठरणारी आहे, असा कंपनीचा दावा आहे. केवळ सात सेकंदात सदरची कार शून्य ते शंभर किलोमीटर प्रति तास इतका वेग सहज घेऊ शकते. टू लिटर फोर सिलेंडर डिझेल इंजिनची गाडीही कंपनीने सादर केली आहे. या गाडीची सुरुवातीची किंमत एक्स शोरूम 41 लाख रुपये इतकी असणार असल्याचे कंपनीने सांगितले आहे. याचप्रमाणे बीएमडब्ल्यूकडून दोन सिरीजतंर्गत ग्रॅन कूप ही गाडीही बाजारात लाँच करण्यात आल्याचे सांगितले जाते.