कणकवली /प्रतिनिधी-
कलमठ नाडकर्णीनगर येथील बीएसएनएल एक्सचेंज मशनरी विभागात शॉर्टसर्किटने सकाळी 9 वाजण्याच्या सुमारास आग लागली. घटनास्थळी नगरपंचायतचा अग्निशमन बंब पोहोचला होता. मात्र कार्यालय संपूर्ण बंद असल्यामुळे व आत धूर झाल्याने आग विझावता येत नव्हती. घटनेची माहिती मिळताच बीएसएनएलचे कर्मचारी गणेश वाघाटे यांनी नगरपंचायतला कळविले. तसेच नगरसेवक शिशिर परुळेकर हे देखील घटनास्थळी दाखल झाले. आतमधील एसी रुमच्या काचा फोडून आज विझवण्याचे शर्तीचे प्रयत्न नगरपंचायत कर्मचाऱ्यांनी सुरू केले होते.