प्रतिनिधी / सांगली
मिरज तालुक्यातील कर्नाळ या गावातील कोरोना पॉझिटिव्ह रुग्णाच्या संपर्कात आलेल्या बुधगाव येथील त्या चार नातेवाईकांचे रिपोर्ट निगेटिव्ह आले आहेत. त्यामुळे बुधगाव करांचा जीव भांड्यात पडला आहे. बुधगाव बरोबरच बेडग येथील पाच लोकांचे रिपोर्ट सुद्धा निगेटिव्ह आले आहेत.
दरम्यान, या पार्श्वभूमीवर बुधगावमध्ये तीन दिवस पूर्णत: लॉकडाऊन करण्यात आला आहे. बुधगाव मध्ये चौघांना तपासणीसाठी नेण्यात आले होते. त्यामुळे गावात भीतीचे वातावरण पसरले होते. पण आता या चौघांचे रिपोर्ट निगेटिव्ह आल्याने गावकऱ्यांनी सुटकेचा श्वास सोडला आहे