नवी दिल्ली / वृत्तसंस्था
देशात उद्या, सोमवारपासून कोरोनाचे दोन्ही डोस घेतलेले आरोग्य कर्मचारी, प्रंटलाईन वर्कर्स आणि विविध आजार असलेल्या 60 वर्षांहून अधिक वयाच्या नागरिकांना लसीचा बूस्टर डोस देण्यात येणार आहे. या माहिमेसाठी विविध राज्यांना आवश्यकतेप्रमाणे लससाठा उपलब्ध करून देण्यात आला आहे. तिसऱया डोससाठी को-विन ऍपवर पूर्वनोंदणी करण्याची सुविधाही उपलब्ध असून शनिवारपासूनचे येथे रजिस्ट्रेशन सुरू झाले आहे. याशिवाय लसीकरण केंद्रावर जाऊन ऑफलाईन नोंदणीही करता येणार आहे. ही लस घेण्यासाठी लाभार्थींना कोणत्याही वैद्यकीय कागदपत्रांची गरज भासणार नसल्याची माहिती पुन्हा एकदा आरोग्य मंत्रालयाने दिली आहे. तसेच यापूर्वी घेतलेल्या लसीचाच बूस्टर डोस देण्यात येणार असल्याचेही स्पष्ट केले आहे.