बेंगळूर/प्रतिनिधी
कर्नाटकात कोरोना रुग्णवाढीचे सत्र सुरूच आहे. राज्याबरोबरच राजधानी बेंगळूरमध्येही कोरोना रुग्णांची संख्या वाढत आहे. सलग तीन दिवस राज्यात १० हजारहून अधिक कोरोनाची प्रकरणे समोर येत आहेत. तर बेंगळूरमध्येही दररोज ५ हजाराहून अधिक कोरोना रुग्णांची भर पडत आहे. शुक्रवारी बेंगळूरमध्ये कोरोनाचे ५००९ पॉझिटिव्ह रुग्ण सापडले. तर ५७ जणांचा कोरोनाने मृत्यू झाला असून ३,०४५ रुग्ण कोरोनातून बरे होऊन घरी परतले आहेत.
बेंगळूर शहरी जिल्ह्यात एकूण कोरोना रुग्णांची संख्या २,७२,३७१ वर पोहचली असून यापैकी ६२,१०४ रुग्णांवर उपचार सुरु आहेत. तर जिल्ह्यात आतापर्यंत कोरोना संसर्गामुळे ३,२९० रुग्णांचा मृत्यू झाला आहे.
आरोग्य विभागाने जारी केलेल्या बुलेटिननुसार राज्यात कोरोना सक्रिय रुग्णांची संख्या १,१८,८५१ इतकी आहे. राज्यात आतापर्यंत ६,९०,२६९ जणांना कोरोनाची लागण झाली आहे.