बेंगळूर/प्रतिनिधी
विरोधी पक्षनेते सिद्धरामय्या यांच्या नेतृत्वात कॉंग्रेसच्या आमदारांनी विधान सौध परिसर ते बेंगळूरमधील फ्रीडम पार्कपर्यंत मोर्चाला सुरुवात केली आहे. पक्ष आणि सूत्रांनी दिलेल्या माहितीनुसार, विधानसभेत सभा त्याग करून ज्या आमदारांनी आंदोलन केले ते सर्व आमदार केंद्र व राज्य सरकारच्या शेतकरीविरोधी कायद्याविरोधात आंदोलन करून एकता व्यक्त करणाऱ्या आंदोलक शेतकर्यांमध्ये सामील होतील. मोर्चासाठी सिध्दरामय्यांसोबत आमदार ईश्वर खंद्रे, प्रियांक खर्गे, आणि बी. झेड. जमीर अहमद आदी आहेत.