बेंगळूर/प्रतिनिधी
बेंगळूरच्या केम्पेगौडा इन्स्टिट्यूट ऑफ मेडिकल सायन्सेस (केआयएमएस) ला सोमवारी रात्री ऑक्सिजन अभावी त्रासाचा सामना करावा लागला. त्यानंतर कोरोना पॉझिटिव्ह आणि ऑक्सिजनच्या आधारावर असलेल्या ४७ रुग्णांना अन्य रुग्णालयात हलविण्यात आले.
ऑक्सिजनवर अवलंबून असणाऱ्या सर्व रूग्णांना विविध सरकारी व खासगी रुग्णालयात हलविण्यात आले आहे, असे सांगून किम्स रुग्णालय व संशोधन केंद्राच्या अधिकाऱ्यांनी द्रव ऑक्सिजन पुरवठ्याची कमतरता असल्याचे मान्य केलं आहे.
१७ ऑगस्टला मॅन्युफॅक्चरिंग कंपनीकडून लिक्विड ऑक्सिजनच्या कमतरतेमुळे, ऑक्सिजनवर अवलंबून असणाऱ्या रूग्णांना त्रासाचा सामना करावा लागला. ऑक्सिजनचे प्रमाण कमी असल्याने रुग्णांची परिस्थिती बिघडण्याची शक्यता होती. म्हणून या परिस्थितीबद्दल सरकारी अधिकाऱ्यांना याविषयी माहिती दिली आणि इतर पुरवठादारांकडून द्रव ऑक्सिजनच्या व्यवस्थेसाठी विनंती केली. यावेळी ऑक्सिजनयुक्त सर्व रूग्णांना विविध सरकारी व खासगी रुग्णालयात हलविले, असे रुग्णालयाने दिलेल्या एका निवेदनात म्हटले आहे.