प्रतिनिधी/ सातारा
काळोशी (ता.सातारा) गावच्या वनहद्दीत विनापरवाना अवैध सागवान वृक्षतोड केल्याप्रकरणी एकावर गुन्हा नोंदविण्यात आला आहे.
याबाबत अधिक माहिती अशी, काळोशी गावच्या वनहद्दीतील सागवान झाडे हे नितीन वसंत देशमुख (रा. अंबवडे) यांनी तोडलेचे प्रथम दर्शनी निदर्शनास येत आहे. त्यांच्याकडून या सागवान वृक्षतोड प्रकरणात वापरलेले वाहन, हत्यारे तसेच सागवान लाकूड माल जप्त करण्यात आला आहे. ही कारवाई उपवनसंरक्षक महादेव मोहिते यांच्या मार्गदर्शनाखाली सहाय्यक वनसंरक्षक, वनपरिक्षेत्र अधिकारी, वनपरिक्षेत्र अधिकारी, वनकर्मचारी यांच्या मार्फत करण्यात आली असून पुढील तपास सुरू आहे.