प्रतिनिधी / मिरज
मिरज तालुक्यातील बेडग येथे संजीरबा चौकात घर फोडून चोरट्यांनी कपाटातील रोख रक्कम आणि सोन्या-चांदीचे दागिने असा 36 हजार रुपयांचा ऐवज लंपास केला. याबाबत अण्णासाहेब शंकर आवटी (वय 30) यांनी मिरज ग्रामीण पोलिसात फिर्याद दिली आहे.
दरम्यान, मिरज तालुक्याच्या पूर्व भागात चोऱ्यांचे सत्र सुरूच असून, आठवडाभरात ही दुसरी घरफोडी आहे. 2 ऑगस्ट ते 3 ऑगस्ट या कालावधीत आवटी यांच्या घरात चोरी झाली आहे. रात्रीच्या सुमारास चोरट्यांनी आवटी यांच्या घरात प्रवेश करून कपाटात ठेवलेली पाच हजारांची रोख रक्कम, सोन्याचे मणी मंगळसूत्र आणि पैंजण असा 36 हजार रुपयांचा मुद्देमाल लंपास केला.