एकूण रुग्णांची संख्या 36 वर
प्रतिनिधी/बेळगाव
बेळगाव जिल्हयातील आणखी १७ जणांना कोरोनाची लागण झाली आहे. यामध्ये हिरेबागेवाडी व कुडची येथील ७ महिलांची समावेश असून चिक्कोडी व बेळगाव शहरातील २ जणांचा यामध्ये समावेश आहे. त्यामुळे एकुण रुग्णांची संख्या ३६ वर पोहचली आहे.
आरोग्य विभागाने गुरुवारी दुपारी जारी केलेल्या हेल्थ बुलेटिन मध्ये ही धक्कादायक माहिती देण्यात आली आहे. गुरुवारी एका दिवसात संपुर्ण राज्यात ३४ जणांचे स्वॅब तपासणी अहवाल पॉझिटिव्ह आले असून यामध्ये बेळगाव जिल्हयातील १७ जणांचा समावेश आहे.
हिरेबागेवाडी येथील ६ महिला व २ पुरुष, चिक्कोडी येथील १ युवक, बेळगाव येथील १ महिला व कुडची ता. रायबाग येथील ७ जणांना कोरोनाची लागण झाल्याचे स्पष्ट झाले असून याच यादीत गोवा व मिरज येथील दोघाजणांचा समावेश आहे. सध्या ते रायबाग तालुक्यात राहत होते. त्यांना कोरोनाची लागण झाली आहे.