क्रीडा प्रतिनिधी / बेळगाव
बेळगाव जिल्हा रोलर स्केटिंग अकादमी आयोजित रोलर स्केटिंग निवड चाचणी घेण्यात आली. सदर निवड चाचणीत रिंक रेस, रोड रेस, रोलर हॉकी, इनलाईन हॉकी, फ्रिस्टाईल व आर्टिस्ट या सर्व गटातील स्केटिंगपटूंची निवड चाचणी घेण्यात आली. सदर निवड चाचणी केएलई सोसायटीच्या लिंगराज महाविद्यालयाच्या स्केटिंग रिंकवर घेण्यात आल्या तर रोड रेसची निवड चाचणी सुरेश अंगडी बॉईज हॉस्टेलजवळील रोडवर घेण्यात आली. 13 फेब्रुवारी रोजी रोड रेस इनलाईन सकाळी 6.30 वा. तर स्कॉड रिंक स्पर्धा गोवावेस रिंकवर घेण्यात येणार आहे. इच्छुक सर्व क्लब्सनी बोनाफाईड सर्टिफिकेटसह प्रसाद तेंडुलकर यांच्याकडे 11 फेब्रुवारीपूर्वी संपर्क साधावा, असे आवाहन करण्यात आले आहे.