बेंगळूर : राज्य निवडणूक आयोगाने राज्यातील तालुका पंचायत आणि जिल्हा पंचायत मतदारसंघांची पुनर्रचना केली आहे. कर्नाटक ग्राम स्वराज आणि पंचायतराज अधिनियम 1993 च्या प्रकरण 160 आणि 161 नुसार निवडणूक आयोगाने मतदारसंघांची पुनर्रचना केली आहे. त्यामुळे काही जिल्हय़ांमधील तालुका आणि जिल्हा पंचायत मतदारसंघांची अर्थात् सदस्यांची संख्या कमी-जास्त होणार आहे. त्यानुसार बेळगाव जिल्हय़ात जिल्हा पंचायत सदस्यांची संख्या 101 इतकी आणि तालुका पंचायत सदस्यांची संख्या 278 इतकी निर्धारित करण्यात आली आहे.
बेळगाव जिल्हय़ातील तालुकानिहाय माहिती
तालुके | जि. पं. सदस्य | ता. पं. सदस्य |
बेळगाव | 12 | 34 |
हुक्केरी | 10 | 28 |
खानापूर | 7 | 20 |
चिकोडी | 8 | 21 |
अथणी | 10 | 26 |
रायबाग | 8 | 22 |
निपाणी | 6 | 16 |
कागवाड | 3 | 11 |
बैलहोंगल | 7 | 17 |
गोकाक | 8 | 20 |
सौंदत्ती | 8 | 23 |
रामदुर्ग | 7 | 18 |
मुडलगी | 4 | 11 |
कित्तूर | 3 | 11 |
एकूण | 101 | 278 |