बेळगाव : बेळगाव बार असोसिएशनच्या मतदारांच्या यादीचे काम गेल्या काही महिन्यांपासून सुरू होते. आता हे काम पूर्ण झाले असून या निवडणुकीसाठी एकूण 2 हजार 75 मतदार आहेत. याबाबत कोणालाही नावाची दुरुस्ती तसेच इतर तक्रार असल्यास 23 सप्टेंबरपर्यंत बार असोसिएशनकडे संपर्क साधावा, असे कळविण्यात आले आहे.
बेळगाव बार असोसिएशनची निवडणूक ही अत्यंत प्रतिष्ठेची मानली जाते. या निवडणुकीसाठी वकील हे मतदार असतात. ते आपले शुल्क भरून बार असोसिएशनचे सदस्य होतात. यावेळी मागीलवेळेपेक्षा 300 हून अधिक मतदार झाले आहेत. आता बार असोसिएशनने 2 हजार 75 मतदार असल्याची यादी जाहीर केली आहे.