प्रतिनिधी / सांगली
महापालिकेच्यावतीने सांगली-मिरज-कुपवाड महापालिका क्षेत्रामध्ये बेवारस वाहनांच्या विरोधात सुरू करण्यात आलेली कारवाई सलग दुसऱ्या दिवशीही सुरूच असून रविवारी येथील जुना बुधगाव रोड व वखार भाग येथे कारवाई करण्यात आली.
मनपा आयुक्त नितीन कापडणीस यांच्या आदेशाने बेवारस गाड्या उचलण्याची कारवाई सुरू असल्याचे सांगण्यात आले.
रविवारी जुना बुधगाव रोड येथून अशी पाच बेवारस वाहने उचलण्यात आली. राहुल रोकडे उपायुक्त राहुल रोकडे यांनी कारवाईच्या ठिकाणी भेटी देऊन मनपा कर्मचाऱ्यांना सूचना दिल्या.