ऑनलाईन टीम / ब्रासिलिया :
ब्राझीलमध्ये कोरोनाबाधितांनी 40 लाखाचा टप्पा ओलांडला आहे. ब्राझीलमध्ये आतापर्यंत 40 लाख 46 हजार 150 जणांना कोरोनाची बाधा झाली आहे. त्यामधील 1 लाख 24 हजार 729 जणांचा मृत्यू झाला आहे. वर्ल्डोमीटर या संकेतस्थळाने ही आकडेवारी प्रसिद्ध केली आहे.
गुरुवारी ब्राझीलमध्ये 44 हजार 728 नव्या कोरोना रुग्णांची नोंद झाली. तर 830 कोरोना रुग्णांचा मृत्यू झाला. 40 लाख कोरोनाबाधितांपैकी 32 लाख 47 हजार 610 रुग्ण पूर्णपणे बरे झाले असून, त्यांना डिस्चार्ज देण्यात आला आहे. 6 लाख 73 हजार 811 रुग्णांवर उपचार सुरू आहेत. त्यामधील 8318 रुग्णांची प्रकृती चिंताजनक आहे. ब्राझीलमध्ये आतापर्यंत 1 कोटी 44 लाख 08 हजार 116 कोरोना चाचण्या करण्यात आल्या आहेत.
दरम्यान, जगात कोरोना संक्रमणाचा वेग अमेरिकेत सर्वाधिक आहे. अमेरिकेनंतर कोरोना रुग्णवाढीच्या संख्येत ब्राझीलचा दुसरा क्रमांक लागतो. अमेरिकेत आतापर्यंत 63 लाख 35 हजार 244 जणांना कोरोनाची बाधा झाली आहे. तर 1 लाख 91 हजार 098 जणांचा मृत्यू झाला आहे.