ऑनलाईन टीम / ब्रासिलिया :
ब्राझीलमध्ये 69 लाख 29 हजार 409 जणांना कोरोनाची बाधा झाली आहे. त्यामधील 60 लाख 16 हजार 085 रुग्णांनी कोरोनावर यशस्वी मात केली आहे. वर्ल्डोमीटर या संकेतस्थळाने ही आकडेवारी प्रसिद्ध केली आहे.
या देशात सोमवारी 27 हजार 419 नवे कोरोना रुग्ण आढळून आले. तर 526 जणांचा मृत्यू झाला. सध्या 7 लाख 31 हजार 379 रुग्णांवर उपचार सुरू आहेत. त्यामधील 8 हजार 318 रुग्णांची प्रकृती चिंताजनक आहे. तर 1 लाख 81 हजार 945 जणांचा मृत्यू झाला आहे.
कोरोना रुग्णवाढीच्या संख्येत ब्राझीलचा जगात तिसरा क्रमांक लागतो. येथे आतापर्यंत 2 कोटी 57 लाख कोरोना चाचण्या करण्यात आल्या आहेत.