वृत्तसंस्था/ लंडन
रविवारी ब्रिटनचा टेनिसपटू डेन इव्हान्सने आपल्याच देशाच्या एडमंडचा अंतिम सामन्यात पराभव करून बॅटल ऑफ ब्रिटस् टेनिस स्पर्धेचे अजिंक्यपद पटकाविले. सदर स्पर्धा बंदीस्त टेनिस कोर्टवर खेळविली गेली.
रविवारी झालेल्या या स्पर्धेतील एकेरीच्या अंतिम सामन्यात ब्रिटनच्या 30 वर्षीय डेन इव्हान्सने एडमंडचा 6-3, 6-2 असा पराभव करून अजिंक्यपद पटकाविले. ब्रिटनचा 33 वर्षीय टेनिसपटू अँडी मरेने या स्पर्धेतील तिसऱया स्थानाच्या प्ले ऑफ सामन्यापूर्वी माघार घेतली होती. सदर टेनिस स्पर्धा अँडी मरेचा भाऊ जेमीने आयोजित केली होती.