बॉलिवूड अभिनेता विद्युत जामवालचे नाव ‘जगातील टॉप मार्शल कलाकारां’च्या यादीत सामील करण्यात आले आहे. विद्युतने याचा स्क्रीनशॉट स्वतःच्या इन्स्टाग्राम अकौंटवरून शेअर केला आहे. चाहत्यांनी विद्युतवर कौतुकाचा वर्षाव केला आहे.
विद्युतचे नाव जेट ली, जॅकी चेन, ब्रूस ली, जॉनी ट्राय गुयेन, स्टीव्हन सीगल, डोनी येन, टोनी जा यासारख्या जगातील दिग्गज मार्शल कलाकारांच्या यादीत सामील झाले आहे. विद्युत एक प्रशिक्षित मार्शल आर्टिस्ट असून त्याने वयाच्या 3 वर्षांपासूनच कलारीपट्टूचे धडे गिरविले आहेत. अभिनेता इंडियन मार्शल आर्ट कलारीपयट्टूचा मोठा समर्थक आहे. कलारीपयट्टूला जगतिक स्तरावर नेण्याची त्याची इच्छा आहे. सोशल मीडियारव तो नेहमी धोकादायक स्टंटचे व्हिडिओ शेअर करत असतो.