बेंगळूर/प्रतिनिधी
कर्नाटकात तब्बल ३०३ जणांचा ब्लॅक फंगसने मृत्यू झाला आहे, त्यापैकी १०४ रुग्ण एकट्या बेंगळूर मधील आहेत, असे आरोग्य विभागाने नोंदवलेल्या आकडेवारीवरून स्पष्ट झाले आहे.
राज्यभरातून सुमारे ३,५१४ ब्लॅक फंगस रूग्णांचे निदान (11 जुलै पर्यंत) झाले आहे. त्वचेमध्ये बहुतेक वेळा हा विषाणू दिसून येतो आणि फुफ्फुस आणि मेंदूवर परिणाम करतो. दरम्यान, ब्लॅक फंगस संसर्ग मृत्यूचे प्रमाण (सीएफआर) ८.६२ टक्के आहे, जे कोविड -१९ रूग्णांमधील सीएफआर (२.८३ टक्के) पेक्षा जास्त आहे.
बेंगळूरमध्ये ब्लॅक फंगस संसर्गाची १,१२० प्रकरणे नोंदली गेली, तर इतर जिल्ह्यांमध्ये धारवाड (२७९), विजयपुरा (२१०), गुलबर्गा (१९९) आणि बेळगाव (१५९) रुग्ण आढळून आले आहेत.