ऑनलाईन टीम / लखनऊ :
उत्तर प्रदेशमध्ये विधानसभेच्या सातव्या टप्प्यातील मतदानापूर्वीच भाजपला मोठा धक्का बसला आहे. भाजप खासदार रिता बहुगुणा जोशी यांचा मुलगा मयंक जोशी यांनी आज समाजवादी पक्षात प्रवेश केला. आझमगडमधील निवडणूक प्रचारसभेत सपा प्रमुख अखिलेश यादव यांनी मयंकचे स्वागत केले. यावेळी माजी आयएएस अधिकारी फतेह बहादुर सिंह यांनीही समाजवादी पक्षात प्रवेश केला. या दोन्ही नेत्यांच्या येण्याने सपाला आणखी बळ मिळेल, असं मत अखिलेश यादव यांनी यावेळी व्यक्त केले.