ऑनलाईन टीम / चेन्नई :
तामिळनाडूतील भाजप नेत्या खुशबू सुंदर यांच्या कारला टँकरने जोरदार धडक दिली. या भीषण अपघातात सुंदर यांच्या घरचा चक्काचूर झाला असून, सुदैवाने या अपघातात त्या बचावल्या. त्यांना कोणतीही इजा झालेली नाही. आज सकाळी तामिळनाडूच्या मेलमैरुवथुर येथे हा अपघात झाला. सुंदर यांनीच ट्विट करून यासंदर्भात माहिती दिली.
सुंदर यांनी ट्विटमध्ये म्हटले आहे की, मेलमैरुवथुर येथून माझी कार उजव्या बाजूच्या लेनमधून जात असताना टँकरने अचानक धडक दिली. टँकरच्या धडकेत कारचा चक्काचूर झाला. मात्र, ईश्वर कृपेने मी या अपघातातून बचावले. तामिळनाडूमधील आगामी विधानसभा निवडणुकीच्या पार्श्वभूमीवर भाजपाच्या प्रचारासाठी मी जात होते. मी पुढील प्रवास सुरूच ठेवला आहे.