बाजारपेठा बंद असल्याने भाजीपाला शेतातच पडून : दरातही घसरण झाल्याने उत्पादक शेतकरी अडचणीत
प्रतिनिधी / बेळगाव
बेळगाव तालुक्मयातील बहुतांशी शिवारात भाजीपाला बहरात आला असून बाजारपेठा बंदचा फटका भाजीपाला उत्पादक शेतकऱयांना बसत आहे. कोरोनामुळे ऐन बहरात आलेला भाजीपाला बाजारपेठा व वाहतूक बंद असल्याने शिवारात पडून आहे. त्यामुळे भाजीपाला बहरात… बाजारपेठा कोमात, असे चित्र पाहायला मिळत आहे.
ग्रामीण भागात रब्बी हंगामात वाटाणा, हरभरा, मसूर या कडधान्य पिकांबरोबरच बटाटा व भाजीपाल्याचे अधिक प्रमाणात उत्पादन घेतले जाते. खरीप हंगाम संपल्यानंतर भाजीपाला पिकविला जातो. मात्र क्लोजडाऊनमुळे शहरातील बाजारपेठांवर मर्यादा आल्या आहेत. शिवाय तालुक्मयातील आठवडी बाजारही बंद आहेत. त्यामुळे उत्पादकांसमोर भाजीपाल्याच्या विक्रीचा प्रश्न निर्माण झाला आहे. कोरोनाच्या प्रादुर्भावामुळे एपीएमसी येथील भाजीमार्केट बंद करण्यात आले असून शहरातील तीन ठिकाणी तात्पुरत्या स्वरूपात स्थलांतरित भाजी मार्केटची निर्मिती केली आहे. मात्र या ठिकाणी क्लोजडाऊनमुळे प्रतिसाद थंडावला आहे. महाराष्ट्रासह गोवा राज्यात लॉकडाऊन सुरू आहे. त्यामुळे वाहतूक ठप्प झाल्याने भाजीपाला खरेदी-विक्रीला बेक लागला आहे.