मालवण: प्रतिनिधी-
मालवण नगरपालिका व ग्रामीण रुग्णालय यांच्या वतीने मालवण बाजारपेठ येथे शुक्रवारी दुपारी ऑन स्पॉट कोरोना रॅपिड टेस्ट मोहीम राबवण्यात आली. भाजी, फळे विक्रेते यासह काही व्यापाऱ्यांची तसेच अत्यावश्यक कारणाशिवाय फिरणाऱ्या अश्या एकूण १०० जणांची टेस्ट करण्यात आली. सर्व व्यक्तींचे तपासणी अहवाल निगेटिव्ह आले आहे. तहसीलदार अजय पाटणे, मुख्याधिकारी संतोष जिरगे, पोलीस निरीक्षक एस एस ओटवणेकर यासह पोलीस पथक, पालिका व रुग्णालय पथक यावेळी तैनात होते.