पेठ वडगाव / प्रतिनिधी
हातकणंगले तालुक्यातील भादोलेच्या वयोवृद्ध शेतकऱ्याचा विहिरीत बुडून मृत्यू झाला. विश्वास यशवंत पाटील असे 83 वर्षीय मृत शेतकऱ्याचे नाव आहे. आज सकाळी दहा वाजण्याच्या सुमारास विहिरीच्या पाण्यात तोल जावून पडल्याने बुडून मृत्यू झाला. घटनेची नोंद वडगाव पोलिसात झाली आहे.
या बाबत पोलिसातून घेतलेली माहिती अशी, भादोले येथील खोडवे मळा येथे विश्वास पाटील यांची शेतात विहीर आहे. या विहिरीत सकाळी दहा वाजण्याच्या सुमारास विश्वास पाटील हे शेतात असलेल्या लिंबाच्या झाडाला पाणी घालण्यासाठी बादली घेवून विहिरीवर गेले होते.
यावेळी विहिरीत पायऱ्यावरून उतरत असताना त्यांचा पाय घसरून विहिरीत बुडाले. बराच वेळ ते घरी न आल्याने त्यांच्या नातेवाईकांनी त्यांची शेताकडे शोधाशोध करण्यासाठी आले. यावेळी विहिरीच्या पाण्यात त्यांचा टावेल, टोपी विहिरीच्या पाण्यावर तरंगताना तर चप्पल विहिरीच्या काठावर दिसून आले. यामुळे विहिरीच्या पाण्यात ते बुडाले असावेत असा अंदाज आला असता गावातील लोकांना या विहिरीवर बोलवून घेतले. वडगाव पोलिसांना या घटनेची वर्दी देण्यात आली. विहिरीत ग्रामपंचायत सदस्य धोंडीराम पाटील व शिगावचे पाणबुडी, वडगाव पोलीस, ग्रामस्थ यांनी शोध घेतला. सायंकाळी तब्बल पाच तासाच्या प्रयत्नांनी मृतदेहाचा शोध लागला.
घटनास्थळी वडगाव पोलीस ठाण्याचे पोलीस हवालदार विजय गुरव, पो.कॉ. कृष्णात पाटील यांनी पंचनामा करून मृतदेहाचे शवविच्छेदन सावर्डे ग्रामीण रुग्णालयात करण्यात येवून मृतदेह नातेवाईकांच्या ताब्यात देण्यात आला. या घटनेची नोंद वडगाव पोलिसात झाली असून अधिक तपास हवालदार गुरव करत आहेत.
Previous Articleबेळगाव जिह्यात सोमवारी 38 जणांना कोरोनाची बाधा
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.